Páxina oficial do grupo folque Xanzá
Discografía
A día de hoxe Xanzá non conta con ningún disco no mercado, debido a factores tan diversos coma os custos de gravación, producción e comercialización, a falta de tempo libre ou incluso a xa solventada falta dun repertorio que mereza a pena gravar, aínda que si temos intención de pasar polo estudio en datas vindeiras.
De tódolos xeitos, se vos presta escoitarnos e queredes facelo fóra do que son os nosos concertos, tedes dispoñible na galería dixital varias gravacións correspondentes a maquetas, directos e outras rarezas. Sabemos de sobra que ditas gravacións non son de gran calidade, pero poñémolas á vosa disposición para que poidades ser partícipes da nosa evolución, do que fomos e do que somos. Ademáis, non podemos esquecer que sen pasado non hai presente e que dos erros é de onde máis se aprende.